Сектор Комунална хигиена

Основна дејност на Секторот комунална хигиена е управување со комунален и друг вид на неопасен отпад на територијата на општина Битола. Во состав на секторот е и одделение за технички работи и услуги во чии состав е одделот за згрижување на животни скици и одделот за подигање на возила (ПАЈАК СЛУЖБА).

Секторот ги врши следните активности:

• собирање и транспортирање на комунален и друг вид на неопасен отпад;
• депонирање на комунален отпад;
• селективно собирање на отпад (хартија и пластика РЕТ);
• механички третман на селектиран отапад;
• распоредување на специјализирани садови за собирање на отпад;
• подигање на погрешно паркирани возила или возила кои го попречуваат нормалното движење на останатите возила;
• фаќање на кучиња скитници и нивно згрижување.

Управувањето со комуналниот и другите видови на неопасен отпад се врши од градот Битола и од 16 села кои гравитираат во општина Битола (Логоварди, Лопатица, Кукуречани, Кравари, Дихово, Трново, Магарево, Долно Оризари, Бистрица, Нижо Поле, Жабени, Буково, Карамани, Крклино, Трн и Лавци). Собирањето на комуналниот и другите видови на неопасен отпад се врши по реонски систем при што на територијата на општина Битола воспоставени се 15 реони.